اتوحشت الريف و اخيال الزهرة ع مهيدي

اتوحشت الريف و اخيال الزهرة **** و اتفكرت اجماعتي و لي نبقيه
اتوحشت احباب قابو ذا المرة **** و انساو احبيبهم كي سمحو فيه
خلاوه مهموم تايه في عثرة **** محروق بلا نار و الجرح مفنيه
اتوحشت اخللتي و احديث الزهرة **** و اتفكرت وليدها كانت تبقيه
ياك مقلش ما خطاتهش النعرة **** و يلا جاع وليدها من فمي تعطيه

حبك يا توفيق خلالي عبرة **** في قلبي ساكنة كي تفنى تفنيه
في صبحت لخميس من شاو البكرة **** مسيته بالخير و الموت ملاقيه
و اتحثلت بخلعتي راكب للظهرة **** مقصودي للمسافر حرت عليه
راحت الزهرة راحت الناقة الحمرة **** و اقديتي لدايمة بوليدك ربه
تهلي في عاهدك ذيك المرة **** ياك احلفتي بالعزيزة حبك لا تنسيه

سيد الشيخ مول القبة الخضرة **** و اهلالك فالعلالي نجمة تضويه
مول البرهان حاضر للنعرة **** تتهلى فالقايمة و وليدي تحضيه
يوم الحد درتها في ذيك الحفرة **** و اتحسست ترابها بدموعي نسقيه
يا تراب وصايتي يوم الزرة **** تتهلى في سالف الزهرة بلاك تنديه
كل مريرة ساهلة ليها وعرة **** و الدنيا علمها عند الله يحصيه

الموت الخالية ليها صكرة **** ما تعلمش خصيمها حتى تديه
راني في عذاب لعلى نبرى **** و انهاتي بخيالها ماني لاقيه
يا موتت لحباب معتاك بمكرة **** تدي قي لعزيز و الدوني تهديه
يا موتت لحباب كي جيتي قدرة **** خليتيني فالفانية عقلي خاطيه
يا موتت لحباب لياه الحقرة **** ليلة زوج ايام عشي هدمتيه


بعد العز اضحيت طامع في خزرة و انساسي في ساعة لي نلحق بيه
عاهدتك بالوفى ذاك لي يصرى **** و انتتمم عاهدك و بدمي نفديه
اولادك و اميمتك و لي كانت حرة ****كبدتها حارقة و الميتوم تربيه
الحمد لله بلي كان صرى ياك ****المكتوبة فارضة لا من تخطيه
يا موتت لحباب تتهلي فالزهرة **** و التوفيق صغير لياه اتبكيه

الشيب عزيز و تجيبه قمرة ****و يتالب صاحبه و التالف يخطيه
المانع خالقي قدر ذا القدرة **** و اداهم في جواره بين ايديه
صبري صبرين و نكمد ذا الحصرة **** و انسيسع خاطري بالقول انفاجيه
راح وليدي و راحت لي كانت سترة **** لعيوبي كاتمة و السر تقطيه

تابع تميزك

كلامك زؤ واحساس رائع احترت كيف ارد ع كلام الحلو
تقبل مروريزيه

تسلموا ليكم جميعا
بجد نورتوا الموضوع

ربي يخليك
نورك العاكس

موضوع مفيد جدا
يعطيك الف عافيه

موضوع في قمة الروعه

لطالما كانت مواضيعك متميزة

لا عدمنا التميز و روعة الاختيار

دمت لنا ودام تالقك الدائم