كنت أشعر بملل شديد، أشاهد التى فى وأبحث بين قنواته عن شيء جديد، عندما..
"اتصل بينا ..تكسب اتناشر ألف دولار ..اتناشر ألف دولار..
وسؤالنا بسيط جدا جدا جدا .. حيوان بودنتين، وديل، وبيهوهو....
إيه هو الحيوان ده؟... يا ترى الإجابة إيه ؟"
كانت فتاة تحاول أن تبدو جميلة، تتحدث بصوت عالٍ، حين نظرت أنا للمسابقة بدافع المرح، حتى قالت هي :
- ومعانا تليفون... اسمك إيه؟
وصوت يقول :
- ( أحمد ( من مصر.
- يا ترى إجابتك إيه يا أحمد؟
لحظات صمت، تدل على تفكير عميق، ثم (أحمد) يقول في تساؤل: الخفاش ؟؟؟
صوت جمهور محبط، مع قول الفتاة :
- للأسف إجابتك غلط يا )أحمد (..الخفاش ده طائر..حاول معانا مرة تانية وإن شاء لله تكسب.
استفزني غباء ذلك (الأحمد)، فرفعت سماعة الهاتف، لأطلب الرقم، لأجد جرسا طويلا، ثم صوتا آليا يقول: رد هتطلع على الهوا كمان ثواني... جهز إجابتك...وصوت موسيقى ممل جدا،
والفتاة مستمرة:
- الجايزة زادت...بقت تلتاشر ألف دولار ... يا ترى مين سعيد الحظ اللي هيكسب معانا؟
ظللت منتظرة على الهاتف لفترة تعدت العشر دقايق، عندما.."جميع الخطوط مشغولة".
قالها لي الصوت الآلي، وانقطع الخط، فشعرت بغضب شديد والمذيعة تقول :
- معانا اتصال ..اسمك إيه؟
نفس الصوت يحاول محاولة بلهاء للتكلم بلغة أخرى :
- سامح..من الكويت.
- إجابتك إيه يا (سامح)؟
ونفس الفترة من الصمت والتفكير العميق ثم:
- القطة؟
والإحباط في صوت الجمهور المسجل والمذيعة تكمل :
- لا يا (أحمد ( ....القطة بتنونو …بتنونو!!